Олунньу 13 күнэ — Төрөөбүт тыл уонна сурук-бичик күнэ

Саха Сирин бастакы Президена М.Е. Николаев 1996 сыл олунньу 9 күнүнээҕи 1294 №-дээх «Төрөөбүт тыл уонна сурук-бичик күнүн биллэрии туһунан» ыйааҕыгар олоҕуран, С.А. Новгородов төрөөбүт күнэ — олунньу 13 күнэ — Төрөөбүт тыл уонна сурук-бичик күнүнэн биллэриллибитэ.

Бу Күн олохтонуута Саха Сирин төрүт олохтоохторун төрөөбүт тылларын сайыннарыыга, бастакы саха суругун-бичигин олохтообут саха лингвист-учуонайа, бастакы саха үөрэҕин кинигэлэрин таһаарааччы Семен Андреевич Новгородов сырдык кэриэһин үйэтитэр, аатын ытыктатар соруктаах.

Бу күн араас үөрэх кыһаларыгар, культура кииннэригэр төрөөбүт тылга аналлаах араас тэрээһиннэр ыытыллаллар. Оскуолаларга Саха суруйаачыларын, поэттарын кытта көрсуhуулэр ыытыллаллар, араас күрэхтэр, көрүүлэр тэриллэллэр. Республика үрдунэн саха тылыгар анаммыт араас тэрээһиннэр, көрсүhүүлэр киэҥ хабааннаахтык ыытыллаллар. Олунньу 13 күнүгэр, үгэс быһыытынан, Санкт-Петербург куоракка Саха Сирин делегацията Смоленскай кладбищеҕа биллиилээх учуонай С.А. Новгородов, кини кыыһа Е.С. Новгородова уонна саха тылдьытын оҥорооччута Э.К. Пекарскай көмүс уҥуохтарыгар сүгүрүйүөхтэрэ, сибэкки веноктарын ууруохтара.

Илгэлээх ийэ тылбыт. Презентация. Саха тылын уонна литературатын учуутала Гоголева А.С. оҥорбут

Күндэ
Төрөөбүт тыл

Төрөөбүт
Төрүт тыл,
Сөрүүн
Сүөгэй курдук,
Сүрэҕи-быары
Сөрүүргэтэр,
Убаҕас отон
Уутун курдук,
Улахан куйааска
Утаҕы аһарар,
Сырдьыгыныы көөнньүбүт
Сылгы кымыһын курдук,
Тостор куйааска
Тоҕулу ханнарар...
 
Иитиллибит
Ийэ тылбыт
Иинэҕэс сири
Имэҥинэн-быйаҥынан
Ибиирэн биэрэр...
Саппа
Садарах уотунан
Күтүр хараҥаны
Күлүмнэтэ сырдатар...
Ийэ тыл —
Быстар-ойдор күҥҥэ
Быыһал-абырал буолар,
Өлөр-сүтэр күҥҥэ
Өрөһүлтэ буолар
Төрөөбүт тыл, сурук-бичик күнүгэр аналлаах “Ааҕарга сүбэлиибит” көҕүлээһин (челлендж)
• Кыттааччы: биһиги оскуола үөрэнээччитин дьиэ кэргэнэ
• Формата: тэттик киинэ (видео)
• Ис хоһооно: дьиэ-кэргэн сөбүлээн аахпыт сахалыы кинигэтин сырдатар, дьон ааҕарыгар ыҥырар.
• Кэпсэнэр кинигэ сахалыы уус-уран кинигэ буолуохтаах
• Киинэни устарга айар дьоҕур хааччахтаммат
• Киинэ уһуна – 1-3 мүнүүтэ, муус устар 13 күнүгэр дылы тахсыахтаах
• Видеону бэйэҕит инстаграмм страницаҕытыгар таһаараҕыт уонна #ааҕаргасүбэлиибитНБСОШ2 диэн бэлиэтиигит.

Алын кылаас оҕолоругар Тыл оонньуута

Презентация Ийэ тыл

Презентация Саха тыла

Добавить комментарий

Ваш адрес электронной почты не будет опубликован.